Аһ, дәриға!..

 

Аһ, дәриға, беҙҙең йортта юҡ иттифаҡ,

Беҙҙе ниңә дуҫлаштырһын бындай сиҡаҡ!

Арабыҙҙан бер кәшшаф274 сыҡҡаны юҡ

Тырышҡан халҡына теләп иттифаҡ.

Үҙһүҙлеләр, хаҡты күрмәй, күҙе тонһа,

Яҡшылары маҡсатынан күҙен йомһа,

Татлы ләззәт мәғәнәһенән өлөш алмаҫ,

Себендәй ҡутыр ерҙе эҙләп ҡунһа.

Атҡан уҡтан ни файҙа, йүнһеҙ булһа,

Юлдашыңдан ни файҙа, түлһеҙ булһа,

Мөнәжәт, шиғыр менән һис эш булмаҫ,

Күңеле ҡатҡан бер дәртһеҙ, моңһоҙ булһа.

Дәрдмәндтәр шағир булмай, эс бошмаһа,

Илһам-дәрте ташып сығып, эш бешмәһә,

Йөрәгенең саҡмаһы ҡағылғанда,

Үпкәһенең ғәүрәтенә ут төшмәһә.

 

 

Theme by Danetsoft and Danang Probo Sayekti inspired by Maksimer