Булмаған...

 

Һәр нәмәнең асыл тыумыштан хикмәте яр булмаған,

Инде уның ғилләһенә һис дауа бар булмаған.

Хазина - хикмәт сире, фәһемлегә зарар түгел,

Ғилем диңгеҙендә хосот һис сафакәр334 булмаған.

Эй, ғәзизем, аҙғын яттарҙан ҡотолоу мөмкин түгел,

Һис берәү юҡ нисбәтендә һүгеү, әшрар335 булмаған.

Бәғзе ҡуҡыр тел оҙатыр белмәйсә көс-ғәйрәтең -

Маҡтанып, ҡарсыға байғош һеҙгә миғъяр336 булмаған.

Арыҫланға хөсөт итеп, ахмаҡ ишәк юҡ булған -

Ҡорсаңғы-таҙ майҙанда асла толпар булмаған.

Күп төрлө барса ғилемдән, эй ғәзизем, белемең,

Гәрсә ярғанат төшөнә нурҙарың бар булмаған.

Батыр - ҡурҡаҡ нисбәтенә күҙ һалығыҙ, ғәзизем,

Муллалар, лаф ороу менән, Хужа Әхрар булмаған.

Бәндәнең уңы - һиммәттә, һулы – юлсы йортонда,

Күккә осҡан менән һәр ҡош бары шоңҡар булмаған.

Төшһә ҡарға алдаҡсыға, ул тауистай күренер,

Сәмреғошмон, тиеп, ҡарға ҡошҡа сәрдар337 булмаған.

Татлы балдың ләззәтен һиҙмәҫ томшоғо серек,

Бөтә зат - бары зауыҡта, хистә берҙәй булмаған.

Һаҡҡолаҡтар булғанға, һәр һүҙҙән тәҡәт киҫкән.

Һаҡалһыҙ булғанға йырсы, йыры һис хар338 булмаған.

Шиңгән гөлдө теләһен ул, танауы еҫ һиҙмәгән,

Еҫле гөлдән томшоғо юҡ һис әҫәрдар339 булмаған.

Мин меҫкенде тамуҡ шымсыһы үртәй, ниҙәр ҡылайым,

Алла биргән ҡазаға бәндә инҡар булмаған.

Кем әшәке холоҡло булһа, уйын уйлар хаслыҡтан,

Ул әҙәмдең күңелендә мәғнәи әсрар340 булмаған.

Аҫылдар ҙа гиҙә ғәйбәт, яла, ошаҡ, йәберен,

Шундай ғалим һүҙендә лә дөрөҫ әхбар341 булмаған.

Бергә ҡалъя еймәйенсә, эсмәйсә сәй, туҡмасын,

Яҡын дуҫың - шәрә йылан, һис вафадар342 булмаған.

Хас та татлы ғәсәлдәй343 көндәшенең ғәйбәте,

Ала ҡарға енесенә емнек еймәк ғәр булмаған.

Ижад итеүсе - мөләҡҡаб344 бисара Аҡмуллағыҙ,

Ир ҡәҙерен әҙәм белмәҫ уйы әфкар345 булмаған.

Theme by Danetsoft and Danang Probo Sayekti inspired by Maksimer