Әйләр

 

Ғәжәп, һәр кем, бай булһа, уға яҡшы дидар263 әйләр,

Фәҡир меҫкенгә пәруа264 юҡ, хурлыҡ менән зар әйләр.

Кейеме шәп, ялтырауыҡ ҡош тауистай,

Төҙөп майҙан, яландарҙа мәжлес ифтихар265 әйләр.

Ғәжәптер: күрә тороп, фәҡирҙе күҙенә алмаҫ,

Вә ләкин байҙарҙы бик күңел түренән кибар266 әйләр.

Эсендә бәғзе мулла бар, тәкәбберлек - Алла һаҡлаһын!

Кейеме иҫке ғәләмдән сәләм алыуҙы ғәр әйләр.

Уны шунса тоторҙар хур, дөрөҫләгән итерҙәр ғәр,

Гәрсә булһын ул ғалим - уны, гүйә, химар267 әйләр.

Күренһә ҡапҡанан бер бай, кәрәк ҡырғыҙ, кәрәк нуғай,

"Хуш килдең!" - тип уға, һай-һай, баш эйеп сәфар268 әйләр.

Гүзәллектә күркәм булһын, Лоҡмандай хикмәте булһын -

Ҡыҙғаныс! Бәхетһеҙ ирҙе фәҡирлек шәремсар269 әйләр.

Ҡаҙаҡта булһа хужа, шатлыҡ менән итер иҡбал270,

Өйҙәге үрмәксе төҫлө, фәҡирҙе тар-мар әйләр.

Хозур саҡтар менән мәғрур булып дәүер биш көнлөк,

Тамамлап үҙ көрлөктәрен фәҡирҙәрҙән нәфәр271 әйләр.

Фәҡир Аҡмулла, кил, сабыр ит заман барышына һин,

Үҙең мәхҙүл272, һүҙең мәрдүд273 - һиңә кем иғтибар әйләр.

Theme by Danetsoft and Danang Probo Sayekti inspired by Maksimer