Борадәргә

 

Борадәрем, сын мулла кем, беләһеҙме,

Ғилемлек китаптарын беләһеҙме?

Башҡорттоң Юзикаев кантонындай,

Даны сыҡҡан һеҙ әфисәр-түрәһеҙме?

Нәфсе тыймай, күңел һынмай, байлыҡ китмәй,

Ожмахҡа бик тиҙ генә керәһеҙме?

Һай, ҡәрҙәштәр, талашмайыҡ булып баҡ-баҡ,

Был һүҙемдә маҡсатым күренер хаҡ.

Милләтте маҡтауға камил булһаҡ,

Шәкерттәр уҡып әйтер - нимә нахаҡ.

Әһле ислам йоҡлабыраҡ ҡалыр булды,

Башҡа милләт алға табан барыр булды.

Дошмандарға мөҡауәмәт ҡылмаҡ осон

Яңы ғилемдәр беҙгә зарур булды.

Хәл килһә, төрлө фәнде күргән яҡшы,

Ғалимдар ҡатарына кергән яҡшы.

Русса уҡып-яҙып ҡына түгел белмәк,

Хәл килһә, французса белгән яҡшы.

Иң әүүәл үҙ ғилемеңдә заһир бул һин,

Ышанысың ҡеүәте таһир булһын.

Һиндостан ғаләмендәй мәхкүм күреп,

Ғилемгә ҡаршыларға ҡаһир бул һин.

Theme by Danetsoft and Danang Probo Sayekti inspired by Maksimer