Аҡмулланың һүҙе шул...

 

Аҡмулланың һүҙе шул, ҡылһаң нәзар254,

Тереләй үлгәнгә иҫәп беҙ бер мәзар.

Йыйылып, дуҫтар мәжлес хушлағандай,

Алдыбыҙ әле булһа ҡыҙма баҙар.

Бер лайыҡ урынға тура килмәй,

Ҡаҙаҡта тәнтерәп йөрөй аҙар-маҙар.

Һәр нәмәгә моң булып ғүмерем үтте,

Бынан былай тәҡдирҙә ҡалай язар.

Ҡараһаң, Аҡмулланың диуаны был,

Эсендә - һыуһағанға шәрбәтле һыу.

Битенең бере көләр, бере һүгәр,

Тура һүҙе - берәүгә им, берәүгә ыу.

Иҫтәлек булмаҫмы тип яҙған булдыҡ,

Хата булһа, ярлыҡарһыҙ, я аллаһу.

Күңел дәрте ҡуҙғалып, тышҡа сыҡты,

Тулған һуң сыҙатманы эстә ябыу.

Theme by Danetsoft and Danang Probo Sayekti inspired by Maksimer