Билдәһеҙ!

 Китмәҫ бәхет таптым, тип,

Ҡулда тороу билдәһеҙ;

Ғәрип йәнең - ҡунаҡтыр -

Тәндә тороу билдәһеҙ;

Был донъяла күп тороп,

Ғүмер һөрөү билдәһеҙ;

Тиндәр менән тиңләшеп,

Тиң йөрөүең билдәһеҙ;

Түбәһе бейек өйөндә

Дүрт көн тороу билдәһеҙ;

Ҡатының яҡшы юлда тип,

Бер йөрөүең билдәһеҙ;

Баланы балдан татлы тип,

Көн күреүең билдәһеҙ;

Ҡартайғансы донъяла

Йән тороуы билдәһеҙ;

Китмәҫ дәүләт бәйләнеп,

Мал тороуы билдәһеҙ;

Көн дә-көн дә ҡулында

Сәй, мәй тороу билдәһеҙ;

Мәртәбәне таптым, тип,

Үлмәй тороу билдәһеҙ;

Әҙәм затка яралып,

Хан булыуың билдәһеҙ;

Был донъяны ҡыуған менән,

Бай булыуың билдәһеҙ!

 

Theme by Danetsoft and Danang Probo Sayekti inspired by Maksimer