Аттың ниһен маҡтайһың?...

Аттың ниһен маҡтайһың -

Бәйгеләрҙә сапмаған;

Дөйәнең ниһен маҡтайһың -

Алыҫ ергә бармаған;

Әҙәмдең ниһен маҡтайһың -

Яҡшы яғы ҡалмаған;

Донъяның ниһен маҡтайһың -

Ырыҫ-бәхет ҡунмаған;

Хакимдың ниһен маҡтайһың -

Яуыз йырын йырлаған;

Егеттең ниһен маҡтайһың -

Илде дошман сарлаған236;

Ҡатындың ниһен маҡтайһың -

Ҡағып түшәк һалмаған;

Баланың ниһен маҡтайһың -

Атаның телен алмаған;

Ҡыҙҙың ниһен маҡтайһың -

Ғәйбәт һүҙҙән ҡалмаған;

Мулланың ниһен маҡтайһың -

Үле менән теренең

Барын берҙәй ялмаған.

Theme by Danetsoft and Danang Probo Sayekti inspired by Maksimer